الكشف المبكّر ممكن ينقذ الحياة
معلومات واضحة عن فحص المسح بجرعة إشعاع منخفضة (LDCT).
سرطان الرئة هو السرطان الأول في إسرائيل من حيث معدّلات الوفيات.
واحد من أكبر التحديات هو إن المرض ممكن يتطوّر لفترة طويلة من دون أعراض واضحة، وعشان هيك كثير من الحالات يتم تشخيصها بمرحلة متقدمة.
ليش الكشف المبكّر مهم؟
لما يتم اكتشاف سرطان الرئة بمرحلة مبكّرة، بتكون في خيارات علاج أكثر، وأحيانًا ممكن يكون العلاج بهدف الشفاء.
مين لازم يسأل عن فحص الكشف المبكر عن سرطان الرئة؟
بحسب تعليمات وزارة الصحة، فحص CT للصدر بجرعة إشعاع منخفضة (LDCT) مشمول في سلة الخدمات الصحية للأشخاص الموجودين ضمن فئة الخطر واللي يستوفوا المعايير المحددة. المعايير بتشمل العمر، خلفية واضحة ومحددة للتدخين، والمدّة اللي مرّت من وقت الإقلاع عن التدخين.
لمين بناسب الفحص للكشف المبكّر عن سرطان الرئة؟
الفحص هو CT للصدر بجرعة إشعاع منخفضة (LDCT). ضمن سلة الخدمات الصحية، الفحص مخصّص للنساء والرجال بعمر 60–74 سنة، واللي:
- بدخّنوا اليوم، أو بطّلوا تدخين خلال ألـ 15 سنة الأخيرة
- دخّنوا خلال حياتهم بما يعادل على الأقل 20 سنة-علبة
شو يعني 20 سنة-علبة؟
20 سنة-علبة = تدخين علبة سجائر واحدة باليوم لمدة 20 سنة. مثلاً:
- علبة واحدة باليوم لمدة 20 سنة = 20 سنة-علبة
- نص علبة باليوم لمدة 40 سنة = 20 سنة-علبة
- علبتين باليوم لمدة 10 سنين = 20 سنة-علبة
إذا كان عمركم بين 60 و74 سنة وبتنطبق عليكم هاي الشروط، توجّهوا لطبيب/ة العائلة واطلبوا تفحصوا إذا إنتوا مؤهلين لفحص للكشف المبكر عن سرطان الرئة ضمن سلة الخدمات الصحية.